لما تشوف اتنين عشاق فى الصفوف الاخيره وتشوفهم مع اضاءه الانوار فى الاستراحه يعتدلون فى جلستهم ويعيدون توضيب ملابسهم وشعورهم يبقى انت كده فى سيمـــــا.......و لما تلاقى رنه موبايل رنت جامد جدا جمبك وتلاقى واحد رد " الووووووو ايـــــوه انا فى السينما " وياسلام بقى لو اللى متصل سأله عن الفيلم يبقى انت كده فى سيمــــــا........لما تلاقى الجمهور كله بيصقف جامد جدا وقتها تعرف ان حاجه من الاتنين حصلت ياما اغنيه الراقصه بدأت يا اما فى مشهد مش ولابد.....لما كل ماتخش سينما طول السنه تحس انك فى اعياد دايما يقولولك كل سنه وانت طيب ياباشا وانا اصلا مش باشا ولا فى مناسبه يتقال فيها كده تخيل بقى لو الراجل ده او الست اللى ع الشباك جالهم عقد عمل بره فى دوله اجنبيه مثلا هيقولوا للناس ايه "" هابى نيييو ييييير ياباشا " لما تخش حفله بليل وتلاقى اب وام وطفلين داخلين فيلم مكتوب عليه للكبار فقط يبقى انت كده فى سيمـــــا..........لما تسمع اول الفيلم صوت خروشه اكياس شيبسى او صوت تانى لاخر شفطه فى علبه عصير يبقى انت كده فى سيمـــــا ..كل اللى فاتوا دووول لو كانوا سمعوا هنيدى فى فيلم جائنا البيان التالى " جاتكوا القرف مليتوا البلد " مكنش حد فيهم عمل ده ,,,, اتعجبت واستعجبت ان حياتنا دايما بتكون تمثيل اللى بنشوفه فى الافلام بنتمناه بس وعمره مابيحصلنا حتى لو محدش فينا بيدخل سينما القصص نفسها عمرها مابتتحقق يعنى لما تشوف مثلا ولد وبنت بيحبوا بعض جدا وهيا بنت ناس اووى اووى وهو على قد حاله اوووى اوووى بس فى الاخر بيرتبطوا ببعض بس لو قارنا حياتنا كده بالسيما هتلاقنا عايشين مش فى واقع وخيالنا كله فى السينما لما تحب تنسى واقع عايشينه روح سينما لما تحب تعيط او تضحك روح سينما لما تحب تتجوز وتخلف روح سينما السينما بقيت حيــــــــاه جوه واقع نفسنــــــــــا نحسه ونلمسه ونعيشه
ليست هناك تعليقات:
إرسال تعليق