ايه ده !!!! انت تقصد ايه بالعنوان ده ياواد انت .....استنى بس هقولك متفهمش غلط كده,,,اصل زمان كنا بنقول أغلى من الشرف مفيش بس دلوقتى انا شايف اننا نقول احلى ...طب ايه مبرراتك يعنى لانك تغير الحروف دى ....اولا ياعمنا اول ماتيجى الكلمه دى فى بال حد على طول عقلك الباطن والظاهر يطير ان الجمله دى متعلقه ببنت بس الايام جريت بيا وبيكى وبيك وباللى واقف هناك ده واتغيرت مفهوم الجمله........انت عمال تلف وتدور وانا مش فاهم حاجه منك انت ياعم الامور وضحلى بس قصدك ايه !!!!! هقولك بس فتح دماغك معايا كده وفوووق زمان كده ييجى من خمناشر سنه (15 يعنى ) او اقل شويتين من صغرى دايما كنت مقتنع بحاجه وكانوا اصحابى الولاد لما احكيلهم عليها يقولوا عليا ده عيل سيس وامه عارفه انه عبيط.... كنت مقتنع انه مدام البنت ليها شرف وسمعه.... الولد ليه كمان كده عشان لما يتجاب سيرته هنا ولا هناك محدش يقبح ولا يلمح بحاجه تجرحه ..و ها هي الايام جريت يا ساحبى (بالسين) وشوفنا الرجاله المرميه دى فى السجون بدون الخوض فى التفاصيل لاحسن بتجبلى مغص وصداع فى كليتى عشان سرقت ونهبت وعملت كل حاجه تقدر انت بقى تفرقلى بينهم وبين واحده باعت نفسها وشرفها عشان برده الفلوس ؟؟؟ الاتنين غلطوا عشان المال والاتنين مرمين فى حته واحده يبقى الشرف يستحق اننا نقول عليه انه احلى منه مفيش !!!! يمكن احيانا ربنا بيدينى نعم كتير مش حاسين بيها غير لما لما نشوفها بتتسحب من ناس قدامنا ساعتها بنقول يااااااااااه الحمد لله على اللى واحد فيه بس برده ساعات ربك بيمهل للظالم عشان ساعه مايوقع مايفلتش .....مجمل رسالتى ليا وليك وليكى اننا نحاول نتقى ربنا فى كل حاجه ونحاول نخلى حبنا ليه اكبر من اى حاجه وكمان نحاول نحب نفسنا ومش عيب ان حد يحب نفسه عشان لو حبها عمره ماهيخليها تغلط وهنفضل وراكى يابلدى لغايه ماتقومى على رجلك وتفوقى وتصحى من تانى... وهنعلى الصوت وهناخد بعض يالاحضان يا احبابى وهختم كلامى بكلام عمنا فؤاد نجم
و ياللي ف الطريق جايين ما دامت مصر ولادة
وفيها الطلق و العادة \ هتفضل شمسنا طالعة
برغم القلعة و الزنازين
ليست هناك تعليقات:
إرسال تعليق