البلــد عامله دمــاغ

هاتلنا كمان ياعم الحاج كيلو عنب بناتى ولو لقيت صبيانى هات مقاس 36 !!! ( اجبلك خمره ؟ لا ياعم انت شيطان ولا ايه هسكر انا كده وانا عاوز افضل مصحصح !!!!!! اى كلام بيتقال ياعم الحاج  ! ^ ^ ) بالمللى والله مشهد فيلم بوحه ده هو ده حال الفراعنه المصريين دلوقتى .... المصريين حاليا دلوقتى يعنى يعيشون اغرب فتره ممكن تعدى عليهم فى حياتهم على هذا الكوكب الكتير منا لما يمشى فى الشوارع سيرا على قدميه او راكب توكتوك او حتى متشعبط فى عربيه نص نقل  يشعر وانه مش على كوكب الارض الناس فى الشوارع عندها حاله من التوهان الكلى زى الكسوف الكلى بالظبط وكأن البلد كلها عامله دماغ !!!! تفقداً لحال الناس فى الاماكن والشوارع كلها هتلاقى كل واحد عاجبه دماغه هو بس يعنى مثلا لو سألت ناس كتير من مختلف الاعمار والعقليات طول مانت ماشى بتسأل بتلاقى استجابه للناس بسرعه الضوء فى موضوع واحد بس وهو سياسه البلد !!! الناس كلها اتخرجت من كليه اقتصاد وعلوم سياسيه بتقدير جيد جدا بس مع ايقاف التنفيذ !!! لو سألت شاب كده سواق تاكسى رأيك ايه فى الثوره يا جميل هيقولك والله مش فارقه يا ابن والدى كله محصل بعضه ولو اللى كان بيسرقونا فى السجن دلوقتى اهم البلطجيه بيقوموا بنفس الدور كتر خيرهم يعنى معوضين غيابهم  وبارك الله فيما رزق وكده وبتاع!!! واحد تانى فى بدايه الكلام معاه تشعر وانك تكلم اعضاء فقط ليس بها روح وده ليه تفسيرين ياما مهيس من حال البلد و يا اما عامل دماغ قراقيش مع ان فى حشيش اليومين دول !!  المهم لما تسألته عن الثوره والبلد والدنيا هيرد عليك وبكل طلاقه وبرأه و يقولك احلى حاجه ف الثوره  دى ها انها من غير بذر !!!!!! ناس تانى كتير بقى ماليه الشوارع وكله بيعبر عن نفسه بنفسه حريه بقى يا ناس يعنى نشوف مثال تانى كده عيل واقف ولابس الفانله التحاتنيه وعمال يكلم نفسه وهو ماشى ( حد تانى ليه شوق فيكى يامصر ) ؟؟  .....نمشى شويتين كده قدام نلاقى بقى مؤيدين ومعارضين مبارك ياااااااااااااه ع التفاهه اللى الناس دى فيها يا جدعان بس هنتكلم نقول ايه حريه وديموقراطيه وهما برده جزء من الخلق المحسوبه علينا فى تعداد ال85 مليون دول بالمناسبه تلاقينا وصلنا دلوقتى لحاجه و 90 ما هو احنا كده مش فالحين غير فى تلت حاجات نوم وحضن ومبروك جبت واد !!! بقينا موضه فى المظاهرات بقينا نتفنن و نتجمل فى الاستعداد لمظاهره ؟؟  يا دينى !!!  الفوضى العارمه اللى بتجتاح البلاد  دلوقتى مش من بعد الثوره بس لأ والله والمصحف والانجيل من قبل الثوره كمان فوضى فى كل حاجه ومحدش فاهم حاجه وحياه امى ما حد فاهم حاجه بقينا بنكلم بعض بعبارات مش مترابطه يعنى مثلا تسأل صاحبك هو انهارده فى حاجه فى التحرير يرد عليك ويقولك انا خارج بكره مع البت بتاعتى بعد الشغل  !!! لسان حال الناس مع بعضها مفيش الفاظ بتوصل المعنى من و انا صغير والله عمرنا ما قعدنا سوا واتفقنا على حاجه عمرنا ماخدنا قرار ده عيب فينا يمكن او فى الناس التانين شويه ناس تقولك احنا ليبراليين وناس تقولك لا احنا سلفيين وناس اخواااااااان وناس علمانين وناس ناصرين ويقابلك ويحاول يقنعك بأفكاره ولا بالحزب اللى عمليناه ده وكأن الشعب دلوقتى اللى موجود ده جاى من كوكب بلوتو مجره شمال وبيتعرفوا على بعض من جديد !!!!!!!!  الحل ايه اقسم بالله ما عارف طب ايه هيحصل والنعمه الشريفه معرفش وهو انا ايش درانى !!!! بس كل اللى شايفه وحاسه اننا عايشين جوه مراحل زى مراحل تكوين الجنين فى بطن مامته كده مرحله هوووووبا يالا بينا ع التحرير اعتصام حتى تنفيذ القرار ومرحله  الجيش والشعب كف واحد  ووقتها قولنا الداخليه حراميه وهنقضيها لجان شعبيه طب ازاى وكيف ومتى ؟؟ فى ظباط لسه مش مصدقين انه مش هيلاقى واحد كده يلسوعوا امه على قفاه راحوا مقدمين استقالتهم وناس واخده اجازات مستنين يشوف الوضع ايه هيتلسوعوا ولا هيلسوعوا وناس تانى بيتحاكموه نجبهم دول يعنى يشتغلوا يبقى عندنا شويه صبر يا جووودعان !! بعدها مرحله كل واحد بيعمل اللى على مزاجه وعلى هواه ودلوقتى عايشين مرحله ملهاش اسم غير ان البلد بلدنا عامله دماغ  !! ربك يسترها هتخلص الايام دى  وهنستنى حياه وايام  تانى جديده عمرها ما هتفضل كده يعنى هييجى غيرها برده نتكلم عليها ونقعد ننُكش بعض ونتخانق ونتفق  وتستمـــــــــــــــــــــر الحياه وسنه ربنا فى الكون..... لو عرفنا الغيب  لاخترنا الواقع واهوه الواقع  عايشينه اهوه يارب وراضيين بيه وبنقولك الحمـــــــــد ليك انت سبحانك

( متفائل بغباء )

on Saturday, July 9, 2011 at 11:07pm

فى بدايه كل شمس نهار جديد لايخلو يوم واحدا الا و فيه احداث جميله كانت او مش حلوه اوى اواحداث نكد وليعذ بالله ......بدأنا 2011 بأنفجار فى اول يوم فى السنه وقتها استغربنا وقولنا ياساتر استر علينا السنه دى !!!! و ما كان ان مر 25 يوم فقط وحدث اجمل شئ يمكن ان تحسه وتلمسه فى حياتك على هذا الكوكب ألا وهى ثوره يناير .... من الصعب والقريب للاستحاله ان تعيش طيله حياتك تسمع فقط وتدرس ايضا عن الثورات  ولكن لم تستشعرها مطلقا درسناها فى التاريخ منها ثوره عرابى وثوره يوليو وثورات كتيره ولكن عمرنا ماحسينا معنى الكلمه دى الا فى الوقت ده ولكن منذ ذلك التاريخ ونحن نعيش بداخل فيلم اجنبى اكشن كوميدى تراجيدى رومانسى والغريب فعلا اننا نحس بكل هذه الصفات يوميا لا يوميا ايه؟ كل ساعه تقريبا فمن بدايه يوم 25 ومرورا بيوم جمعه الغضب وغزوه الجمل ويوم التنحى والاحداث اللى مش هقدر احصرها مرورا باليوم اللى اخترقنا فيه الصوت ده عقبال يارب كمان مانخترق الخوف !!!  تقريبا عشنا جوه الفيلم المليان بأحداث ومليان بممثلين وممثلات بس الفيلم مش لاقي نهايه وغالبا لما تدخل فيلم ويطول عليك وانت فى السينما بتحس بملل اهى حياتنا دلوقتى كده بالظبط عايشين حاله ملل !!! اللى مستغربله ان حالنا ده يشبه المساجين اللى كانوا واخدين مؤبد وخرجوا من السجن قبل مايخلصوا المده حسن سير وسلوك وحط تحت سلوك دى 3 مليار خط بمناسبه المليارات يعنى اهو ده اخرنا نجيب سيرتها بس ومستكترش عليا دى كمان !! خدنا افراج جميعا ونزلنا الشوارع حسينا ان حاجات كتير كانت غايبه عننا  لما كنا مسجونين مكناش نعرفها ولما خرجنا عاوزين نعملها محرومين بقى يا ناس # فى ظل ما حنا فى الشوارع وبنسال بعض هو احنا كنا عايشن هنا ؟ بنتفقد الحال اللى كنا مش موجدين فيه ده قبل كده لقينا حاجه غريبه اوى اللى هيا  ايه بقى ؟ عايشين فى وطن بلا رئيس ومن غير مجلس شعب وشورى ومن غير مجالس محليه حتى الحكومه انتقاليه لأ لأ نسيت حاجه كمان من غير مدير فنى للمنتخب ! ومع ذلك نمارس حياتنا اليوميه بشكل طبيعى جدا ولا اكننا كان فى ثوره والبلد بينزلها سوفت وير جديد الايام دى ! ده ايه البلد الغريبه دى هيا اينعم البلد الايام دى ملهاش غير عنوان واحد بس ممكن ندخل جواه كلنا الى هو ( البلد ظايطه ) بس مسيرها هتروق وهتحلى ومسيرنا هنبنيها تانى ومسيرنا اخلاقنا هتتحسن ومسيرنا هنحترم المرور ومسيرنا مش هنعاكس ولا نضايق بعض ومسيرنا هنخاف ونحب بعض اكتر ....ذكريات الثوره عمرها ماهتتنسى الانطوائى اللى مكنش بيكلم حد نزل واتعرف وعاش مع ناس مكنش يفكر انه يقابلها واللى كان ناسى يعنى ايه وطن وانتماء اهو حب وطنه ومنهم اللى حس بالشهاده وجمالها وقابل ربه بفرحه مكنش يوم يتخيلها.... الحياه الجديده اللى احنا فيها دلوقتى لسه محنسناش جمالها كله هو يمكن عشان فى حاجات بتنكد علينا كل يوم ويمكن عشان اختلاف عقليات الشارع  احترامنا لبعض هو اللى هيجمل حياتنا بعيدا مشاكلنا السياسيه التى لا اود ان اتطرق اليها يقيناً منى ان السياسه مش اى حد يتكلم فيها و ان ليها ناسها هما اللى يتناولوا قضاياها بس لو كلنا الان متفقين على وجود انفلات امنى فانه لا يقلل ذلك من وجود انفلات اخلاقى محتاجينه يختفى فينا مشكلتنا بس فى قلبنا محتاج يتغير معانى فيه !!! ولو سألت كل من يحب مصر ليه  تحبها البعض هيقولك جمالها والبعض هيقولك طيبيتها واخريين هيقولوا لا نعرف !!!! . إذا كانت الأمور تجري وفقاً لـ رغبتك فأنت

“محظوظ ” ،

ولكن إذا لم تكن كذلك ..

فأنت أكثر حظاً لانها تسير برغبه الله

مولد الرياسه ( الريس حنفى )

on Sunday, June 12, 2011 at 11:27am

اااااااه يانا يا مااااااا اه والله على اللى بشوفه قدام عنيا الايام دى يخلينى مقولش غير كده ..ليه بس يابنى مالك فيه ايه ...لا ابدا ياسيدى كان فى وخلص وبعتنا نجيب .....بقيت بكلم نفسى وارد عليها فى نفس اللحظه  وبقيت بحلم وانا صاحى وبقيت ماشى وانا نايم ....العباره سيدى الفاضل باختصار هيا ان كل الناس بقيت زايطه بنفس المعنى كده والله بس فى زياطه على القد او مستخبيه او مداريه لكن اخوانا بتوع الرياسه دول على عينك يا بيه ...بقرأ كل يوم فى الجرايد عن مرشح جديد نازل انتخبات الرياسه....حلو اوووى رائع وجميل ومبهج ...انت مين بقى انت ياعم الحاج انا مواطن مصرى وليا حق الترشح فى الانتخابات ...ايوه ماشى ادينى اماره طيب بصفتك ايه نازل ..وانت مالك انت انا نازل وخلاص هو كان كتب كتاب امك ياعم ؟؟ وصل الان عدد مرشحى الرياسه لعدد 30 واحد ومن ال 30 دول بقى واحده بنت قصدى قصدى واحده ست....عارفين لأ مش عارفين ؟؟ !!! طب عرفنا انت  ياعم المشهد اللى بيحصل قدامى ده فكرنى بفيلم عسكر فى المعكسر لما ابوه قاله وهما رايحين يخطبوا سعديه ده انا اتجوزت امك ب 10 بيضات !!!! الموضوع قد كده سهل و ممتع وبسيط كده ان اى حد يقول انا نازل الانتخابات ولا هو اى كلام وخلاص انا والله احيانا كتير بقعد اكلم نفسى فى الشارع لما اشوف يافطه مكتوب عليها مرشحكم لانتخبات الرياسه ؟؟؟ هيا الناس دى كلها عايشه معانا فى البلد ولا كانوا من ايام السلطان عز الدين ايمن !!! ولان طبعا مكنش فى السلطان ايمن بس حاسس انه ممكن يكون فى ليه لأ.....فضلت احلل الواقع ده مع الناس اللى حواليا لحد ماوصلت لتحليل جزئى وكلى سوا فى نفس الوقت وللامانه انا مش مقتنع بالتحليلين دول اول واحد اللى هو كلى ده ان ممكن يكون اللى نازل انتخابات ده واحد نفسه يشترى بدله جديده وينزل يقف قدام لجان الانتخابات الصبح والعيال يشاوره عليه ويقوله هو ده اللى بينتخبوه جوه او صحفى يعدى عليه يقوله توقعات حضرتك ايه يرد يقوله احنا بنعمل اللى علينا والباقى على الله !!!!! اما التحليل التانى انه ممكن يكون عنده فراغ عاطفى حتما ولابد وحيثما او ومش لاقى حاجه يعملها فى البيت ومراته مطلعه تيت تيت اهله فقالك اشوف حاجه اشغل بيها نفسى الكام شهر دول...وبما أننا جبنا سيره الريس احب اقول لكل الناس اللى بتقول احنا اسفين ياريس( قالولى الريس هو الرمز قولت الرمز مصر الغاليه عليا قالولى الريس هو بابا قولتلهم مصر هيا اللى امى ومتجوزتش غير النيل ومعندهاش دره وهو ابويا قالولى الريس هو القدوه قولتلهم القدوره هو الشهيد اخويا) ....ااااه يابلد مكنش فيكى غير ريس واحد بس ولو كان عايش معانا دلوقتى مكنش رضى باللى بنشوفه ده كان ريس بمعنى الكلمه اينعم احيانا كلمته مكنتش بتمشى بس كان راجل وملووو هدومه الله يرحمك ياريس حنفى

هنـــا القاهره

on Sunday, July 3, 2011 at 3:18pm

اشعر احيانا بالسعاده عندما اتحدث الى نفسى كونى الشخص الوحيد الذى تريحنى اجابته " حبيت ان ابدأ كلامى بتلك الجمله للاستاذ عمر طاهر واللى شايف انها حالنا فعلا دلوقتى .....ما الذى يحدث !!!! هو احنا فين وايه اللى بيحصل ده كله؟؟؟ .....بنسمع عن قتل هناك وسرقه هنا وضرب نار هناك اهووه وقطاع طرق فى الناحيه التانيه وبقينا شيكاغو العاصمه الساعه الان الواحده ظهرا !!!!! بدايه الثوره هيا بدايه قصه حب عنيفه مفتعله بين اتنين بيحبوا بعض اوووى بس حب عرفى مكنوش قادرين يقولوا لبعض اللى هما مصر وشعبها يعنى.... فضلوا عايشين قصه حب جميله اوى.... بعد ما ارتبطوا ببعض لمده 18 يوم كامله بيغنوا لبعض وفرحانين جدا... وفجأه !!!! ومن غير ماحد يحس ولا يدرى وفى يوم وهما قاعيدن يحبوا فى بعض كانت الشمس فيه مشرقه اوى وكان القمر منور اوى!! اتجوزوا  وعمل كتب الكتاب والفرح والدخله وشهر العسل فى يوم واحد ......من كتر ماهما مكنوش مصدقين حبهم لبعض ده ولانهم مادرسوش بعض اوى ولان الوضع ده جديد عليهم مش قادرين يتوافقوا مع بعض ..بقوا يتخانقوا كل يوم وكل ساعه وكل دقيقه وكل ثانيه بس الخلاف احيانا بيكون هادف لما يكون فى نقاش وحوار متبادل عشان يفهموا بعض والعتاب بيكون  بين اتنين بيحبوا بعض اوى  ......المهم  والاهم دلوقتى ان محدش يقدر فينا يخون التانى على بلده هيا اينعم واحده بس والملايين بيتخانقوا عليها عشان يكسبوا حبها بس هيا مش هتحب الا اللى بيخلص اوى فى حياته هو ده بس اللى هتختاره وتشاركه حيها اللى بيحبها بجد  بيشتغل ويعمرها ويترجم حياته لافعال مش كلام وبس احنا كانت بلدنا قبل كده بتتخلص فى تلت كلمات (يارب نكسب انهارده ) كانت مصر مدته حبها 90 دقيقه بتوقيت القاهره وعلى المقيمين خارجها مراعاه فروق التوقيت !!!! دلوقتى هما تلات كلمات برده بس اتغيروا ( بحبك بجد يا بلدى) الوطنيه والانتماء حاجه مش بتتباع ولا بتتأجر دى حاجه اتولدت فينا حاجه مش مجرد احساس لحظى وخلاص ده قصه حب ويمكن تكون الانجح كمان فى حياتك  مصر دى بلدنا كلنا حبها اوى من قلبك اشتغل مش لاقى دور ربنا مبيضيعش تعب انسان ابدا..... الكفاح والانتماء والوطنيه اسمى ما فى الوجود.... عشان كده هنفضل نكررها لغايه مانموت وبقلب جامد ومن غير خوف..... هنا القاهره

بس افتكر انى قولتلك بلاش

Sunday, May 22, 2011 at 1:02am

هيصه يا ناس ومحدش فاهم حاجه ولو حد فاهم حاجه يقولى والنبى وكل فاكر نفسه ياما هنا ياما هناك ياجدعان طب نقعد نتكلم طب نتناقش..... طب انت بتشتغل ايه يا حبيبى انا ثورجى.... ايوه يعنى ايه الوظيفه...... ثورجى اااااااااه ده انا فكرتك ثورجى !!؟؟ الناس فى الشوارع اللى جالها جالها فى مخها ودماغها وعقلها التلاته سوا بعد ما شافت الناس اللى معاها المليارات وهيا مكنش معاها تجيب غيارات كله بيوقلك ياللى بينا نعمل مظاهره طب عشان ايه؟ مش عارف بس يالا بينا بقى ...............حالنا دلوقتى ملوش غير تفسير واحد اه والله واعزرونى فى اللفظ ياللى هنا .......( واحده كانت متجوزه (اللى هيا مصر ) واطلقت من جوزها ( اللى هو الريس) ومصدقت اطلقت ماشيه تعمل اللى هيا عاوزاه طب يابنتى اتلمى شويه عيب كده لاااااااااااا طب وحده وحده بلاش كل ده ييجى مره واحده برده لااااااااااا........ هو حصل ايه ؟؟؟ ومحدش عاوز يسمع حد ليه ولينا بقينا معندناش دم و ايه قله الادب اللى بقيت فينا دى كل واحد بيعمل اللى هو عاوزاه تمشى فى الشارع تلاقى شاب واقف بطوله وعرضه زى البغل وماسك كروت شحن ويقولك تعالى يا باشا تعالى يا موزه كروت شحن الثوره .....ثوره ايه يابن العبيطه و كروت الشحن ايه ؟ تمشى تانى على اول الشارع تلاقى واحد قاعد وجايب باجور (كلمه اتلغت من زمان ) وبيعمل شاى وسحلب وينادى تعالوا ياشباب يابنات سحلب الثوره ........بالذمه ده كلام والنبى دى حاجه تتصدق ..هو ده اللى عملنا الثوره عشانه هو ده اللى اتفقنا عليه ومات بسببه الورود اللى فتحت جناين مصر......لا وكله كوووم بقى والحكومه كوووم تانى عماله تطبطب مفيش شخطه مفيش هوص ياواد هوص يابت نفسى اسمع حد بيزعق حد بيشخط ياناس عشان اخاف واتلم والم اللى حواليا !!!!!!!!! حرام بقى بجد عاوزين نهدى ونحترم نفسنا شويتين ونفكر.... بس فى حاجه واحده الولد اللى واقف بيشتم ده ويسب ويلعن فى الحكومه اللى فاتت هو انت يانجم يا امور انت عملت ايه صح فى حياتك ايه الايجابيات اللى عادت عليك وعلى اللى حواليك ونفعت نفسك بيها مكنتش بتغلط ولا هيا هيصه وخلاص اكيد غلطت مليار مره فى حياتك شتمت وعاكست وعملت اللى مينفعش يتكتب هنا ولا يتقال هناك الاخطــــــــــــــاء مابتتجزئش مفيش غلط صغنون وغلط كبير وانتى يا اموره ياللى واقفه فى كليتك بتشمتى العميد اللى اكبر من جدك مفيش احترام واخلاق هيا مش برده الاخت بتعمل حاجات غلط وانتى فاهمانى طبعا؟؟  ايه الفرق بينك وبين وزير فاسد هو بيغلط وانتى كمان الاخلاق مبتتجزئش !!!!!!!!! بقينا عاملين زى فيل صغير قابل فيل كبير قاله تاخد حلاوه قاله ليه هو انت فاكرنى شماعه راح واخد العجله وجرى ............اى كلام فى الحماده ومحدش فاهم حاجه مفيش تخطيط  لحياه مفيش عقل يفكر مفيش نرسى ونهدى ونتكلم .....انا مش ضد الوقفات الاحتجاجيه والمظاهرات طبعا لكن انا ضد التفاهه وعدم الاحساس بالمسؤليه يعنى من امتى احنا بنتكلم فى مسلم ومسيحى وانا من انصار الذين لا يعترفون بحاجه اسمها وحده وطنيه عشان اصلا اصلا احنا كلنا دمنا واحد واهالينا واحنا عايشن فى حضن بعض من ابد الابدين عشان كده لما حد بيقول قدامى وحده وطنيه بقوله لا اسمها وحده بيطريه لان اللى بيقولك كده مريض وعبيط !!!!!!!!! يارب الايام اللى جايه تكون احسن بس برده يارب ميجيش اليوم اللى نقول فيه افتكروا انه قولنا بلاش !!!!!!!!!!!! قولوا اميــــــــــن ورايا يا عيــــــــــال

اتلهى

كتُبت فى تاريخ on Thursday, October 14, 2010 at 7:05pm

منذ ان وعيت على الدنيا لا اعرف ما نهايه ما نحن فيـــه.....حاله تردى ثقافى أدبى فكرى فنى وسياسى كمان وشعرت ان همى يبكى دائما ولايمكن ان يضحكنى !! كيف لوطنى ان يكون ام الدنيا ولكن لايمكن ان يكون أمى انا ...فهل يأتى عليك يوما وتسقط امك من نظرك ؟؟ عفوا يأجمل اسم فى الوجود لايمكن ان اتخيل ان تقسى عليا لتلك الدرجه ولكن اشهد لكى انك جديره بأن تنسينى اى هم وحزن انا فيه منكى جديره ان تلهينى عن الواقع وتجعلينى اعيش مغيب فعندما اتذكر فوز المنتخب مثلا نخرج جميعا الى الشوراع فرحين ونرقص ونغنى شعب بحاله يرقص ويغنى مش عشان فرحانين بجد لاااا عشان مصدقنا اى حاجه تفرح قلبنا ونقول اهى عيشه والسلام ونتلهـــــــــى !!!!! لما تجبيلى وزير تربيه وتعليم فاكر نفسه وزير الداخليه  يقوى بنفسه على جيل جميل لايعرف سوى البرائه ويبحث عن مستقبله كيف له ان ينظر لحياه جديده قادمه وانت تحاربه فى علمه ولكن انت ايضا مقصود برساله تبعثها لنا ان نتلهـــــــــــــى !!!! لما نشوف قدامنا مثقفين وادباء محترمين تبعدهم البلد عن مناصبهم وذلك لتقص اى جذر يحاول ان يبعث فينا روح او يفيقنا من غيبوبه لا نعرف متى نفيق منها وبعد ده كله برده نتلهـــــــــى !! لما تفرجى عن ناس ضربوا ظباط شرطه وتقولى عشان العلاقات ايــــــه ......العلاقات بين البلدين متتهزش والنبى نفسى اعرف نوع العلاقات دى ايه ولو حد فينا احنا من ولادك عمل كده كنتى هتسبيه بس خلتينا برده نتلهـــــى !!!! فانتى حقا شوفت فيكى مرمطه وعرفت مين اللى اتظلم ليه اللى جايلك اجنبى عارفه عليه تطبطبى وتركبى الوش الخشب وع اللى منك تقلبى ............نفسى افرح بيكى فى يوم نفسى مشفش كل حاجه وعكسها فيكى نفسى الاقى فيكى امل نفس احبك نفسى احبــــــــــــــــــــــــــــــــــــــــــــــــــــــــــــك

أملى فى ربى

كُتبت فى تاريخ Wednesday, November 17, 2010 at 5:40pm

لو سألتينى عيونك شايفه ايه قدام جاى ؟؟ هقولك ولا حاجه ....طب فى امل فى بكره......هقولك برده لاا...طب ايه يعنى هو كله لا لا ؟؟؟ردى عليك هو مش احنا اللى هنعمل ده احنا واقفين مستنين ربنا انه يغيرنا هاتقولى ماهو ربنا عمره ما هيغير حد الا اذا بدأ بنفسه هقولك ماهو فعلا كده بس احنا حتى مش عارفين ننوى نتغير !!!!!!!باختصار عزيزى الانسان وانا قصدت تلك الكلمه " الانسان "الكلمه اللى معناها مات جوانا ....كنا الاول او مش الاول كنا ومازلنا يعنى بننقض نظام الحكم او ننقض الحكومه ودايما بنقول عاوزين التغيير حتى لو نحس بثوانى تغيير بس تيجى .....وهو احنا فاكرين انه لو التغيير مثلا ده حصل هيحص تالت يوم من تغغير الحكومه مثلا لا يا حبيبى احنا لو بدأنا نحس بالتغيير قول مثلا كده بعد 100 سنه جايه ممكن ....ممكن وقتها نحس بالتغيير .....تصدقوا بالله ان العيب فينا وبنرميه على غيرنا والغلط فينا ونشاور عليه انه بعيد اهوووه مش احنا ...ودايما تسمع وانا مالى خلينى فى حالى ؟؟ احنا طباعنا بقيت وحشه اوووى ومحدش مثلا يزعل انه رخم او كذاب او غبى لاااا دى حاجه انت ورثها ملكش ذنب فيها ورتها من جدك الاولانى خااالص ايام حكم البلاد لامنتحوتب الرابع عشر وكان بيقولوا انه فيه اله زمان كان اسمه اله الغلاسه ده ممكن يكون ناس مننا خدت منه الطابع ده ؟؟؟  الطباع مينفعش انك تكتسبها لا دى فيك يعنى جوواك حقد وكرهه وكراهيه ورخامه وغيره هاتقولى ماهو ربنا خلقنا كده هنعمل ايه لو ربنا فعلا خلقك كده وعاوزك كده مكنش قال ان الدعاء بيخفف القدر يعنى القدر يتغير بيك وربنا مديك الصلاحيات دى عشان تعملها بنفسك....عارفين لو احنا فعلا اذكيه واننا دايما بنوهم نفسنا اننا الاحسن والاجمل والاقوى وعيشنا نفسنا فى وهم غريب نقلناه بين اجيال واجيال وتخاضينا عن كل عيب وسلبيه موجوده طب ليه مثلا مثلا يعنى الدول اللى كانت بتتعرض لاحتلال كان الشعب المحتل ده بيتعلموا لغه الجيش اللى محتلهم ما احنا الانجليز اهوه احتلونا سنين وسنين اتعلمنا انجليزى مثلا ؟؟؟؟ لو لقيت رد على السؤال ده اقنع بيه نفسك .......!!!!! فعلا دلوقتى احنا كلنا بنقول "انا مش عارفنى"يعنى انت مش عارف ايه جواك من ايجابيات ممكن تخرجها فى وقت تنفع بيه نفسك وصاحبك ع الاقل.....الواحد فى بدايه عمره اللى احنا بنعتبره بدايه ولكن قد يكون البدايه والنهايه قريبين اووى حاسيين بخنقه من حوالينا احساس محبط جدا انك تعيش فى جو خنيق وانك وانت لسه بتتعلم بتفكر ازاى  يعنى هتخرج من البلد عشان تعيش براها .......حضرتك وحضرتى لازم نفهم حاجه ان الانبياء خلاص خلصوا سيدنا محمد كان اخر نبى يعنى مفيش حد هييجى يصلحنا غير نفسك بس اللى بقيالك حاول تحب روحك ونفسك جدا وده مش عيب انك تحبها لانك لو حبيتها هتمنعها عن اى اذى يصيبها ولو مليت حب ربنا فيك وفكرت فيمتو ثانيه قبل اى غلط او ذنب انت بتستعد انك تعمله هتتعود انك متفكرش حتى تفكر فيه يــــــــــارب .....لو باقى فى عمرى عمر هعيش بس عشان افضل احبك.............